Alfred Stieglitz

Alfred Stieglitz (Hoboken, New Jersey, 1864ko urtarrilaren 1a - New York, 1946ko uztailaren 13a) estatubatuar argazkilaria izan zen.

Bere gurasoak alemaniar etorkin juduak ziren. 1881ean Europara itzuli ziren seme-alabei heziketa hobea emateko. Alfred ingeniaritza mekanikoa eta kimikoa ikasi zituen.

Argazkilaritzaz interesatuta, argazkilari europar eta estatubatuarrei buruzko liburuak bildu zituen. Argazki-kamera bat erosi zuen eta Europan zehar bidaiatu zuen paisaien eta langileen argazkiak ateraz. Argazkigintza arte modutzat hartu, artikuluak idatzi eta sariak irabazi zituen. 1890ean New Yorkera itzuli zen.

Argazki negozio bat hasi zuen eta ''The American Amateur Photographer'' aldizkariko editorea izan zen. Berrogeita hamar urteko ibilbide batean argazkigintza arte gisa onartzea lortu zuen. Gainera, Europako artista abangoardisten lanak erakutsi zituen bere arte-galerietan. Georgia O'Keeffe margolariarekin ezkonduta egon zen. Wikipediatik informazioa lortu