Alexander Calder

thumb|Alexander Calder 1968. Alexander Calder (Filadelfia, 1898ko abuztuaren 22a - New York, 1976ko azaroaren 11a) Estatu Batuetako eskultore, marrazkilari eta pintorea izan zen. New Yorkeko ''Art Students League'' eskolan ikasi zuen. Ondoren Parisa jo zuen, eta bertan Arp, Miró eta Mondrianekin jarri zen harremanetan. Bere eskulturarik ezagunenak, ''mugikor'' izenaz bataiatu zituenak, hariz eta xaflez osaturiko zintzilikarioak dira; eskultura horiek irauli egiten dute hutsaren eta betearen arteko ohiko harremana. Bere lanetan hautsi zituen eskulturak ordura arte berezkoak zituen egonkortasuna eta zurruntasuna. 1942tik aurrera burdinazko eskultura handi zurrunak egin zituen, eta ''egonkor'' izena eman zien. Eskultura-lanez gainera, liburu ugaritarako irudiak, antzerkirako dekorazioak eta kolore biziko margolan umoretsu eta xaloak egin zituen. Wikipediatik informazioa lortu