Boris Becker

Boris Franz Becker, nado en Leimen o 22 de novembro de 1967, é un antigo xogador de tenis alemán. Gañou 49 torneos individuais e 15 dobres. En individuais, logrou seis títulos de Grand Slam: Wimbledon en 1985, 1986 e 1989, o Aberto de Australia en 1991 e 1996, e o Aberto dos Estados Unidos en 1989. O 1 de xullo de 1985 converteuse no primeiro xogador que non era cabeza de serie, no primeiro alemán e no máis novo (17 anos e 7 meses) que gañou Wimbledon.

Gañou a Copa Davis en 1988 e 1989 con Alemaña e tamén gañou a medalla de ouro en dobres masculinos nos Xogos Olímpicos de Barcelona 1992, xunto con Michael Stich. Foi número 1 na clasificación da ATP durante 12 semanas en 1991. As ganancias pola súa carreira suman un total de 25 millóns de dólares.

Despois da súa retirada foi comentarista de tenis para a BBC entre 2002 e 2013. Entre 2014 e 2016 foi o adestrador do tenista Novak Đoković. Veröffentlicht in Wikipedia