Sir Cecil Walter Hardy Beaton (Hampstead, Londres, 1904ko urtarrilaren 14a - Reddish House, Wiltshire, 1980ko urtarrilaren 18a) britainiar modako, erretratuetako eta gerrako argazkilari, egunkarien egile, margolari eta zinema eta antzerkirako barnealdeen eta jantzien diseinatzailea izan zen. Artea, historia eta arkitektura ikasi zituen Cambridgeko Unibertsitatean. Ospe handia lortu zuen argazkilari gisa New Yorken. Modako argazkiak eta gizarte erretratuak egin zituen eta ''Vogue'' eta ''Vanity Fair'' aldizkarietarako lan egin zuen. Antisemitismoagatik kaleratu zuten, eta Ingalaterrara itzuli zen. Han, alemaniarren erasoek gerran eragindako kalteen argazkiak atera zituen eta errege familiako argazkilaria ere izan zen. Gerra ostean Broadwayn lan egin zuen eszenatokiak eta jantziak diseinatzen. Zineman ere lan egin zuen eta Oscar Sari bat irabazi zuen ''Gigi'' filmeko jantzien diseinuagatik.
Wikipediatik informazioa lortu