Hugo Ball

Hugo Ball (Pirmasens, 1886ko otsailaren 22a - Sant' Abbondio, Suitza, 1927ko irailaren 14a) alemaniar egile eta olerkaria izan zen. Dada mugimendu artistikoaren sortzailea izan zen Zurichen 1916an eta olerkigintza soinudunaren egilea. Soziologia eta filosofia ikasi zituen Munich eta Heidelbergeko unibertsitateetan. 1910ean Berlinera joan zen aktore izateko eta Max Reinhardtekin kolaboratu zuen. Lehen Mundu Gerraren hasieran armadan izena ematen saiatu zen, baina arrazoi medikoengatik atzera bota zuten. Belgikaren inbasioaren ondoren gerra kritikatu zuen eta traidoretzat hartu zuten. Emmy Hennings kabaret artistarekin Suitzara joan zen eta 1920an. berarekin ezkondu zen. Suitzan jarraitu zituen Bakunin eta anarkismoari buruzko ikasketak, hala ere, anarkismoa arbuiatu zuen bere alderdi militanteengatik. 1916an Le Manifeste DaDa et Cabaret Voltaire sortu zituen eta Dada mugimenduaren buru izan zen. 1920an katolizismora itzuli eta Ticino kantonamendura erretiratu zen. Wikipediatik informazioa lortu