Frank Auerbach

Frank Auerbach (Berlin, 1931ko apirilaren 29a – Londres, 2024ko azaroaren 11) ingeles pintorea izan zen, Alemanian jaioa.

Ingalaterran bizi zen zazpi urte zituela hara bidali zutenetik. 1947an britainiar hiritartasuna lortu zuenetik Londresen bizi zen, eta han egin zituen ikasketak. 1956an, Londresko Beaux-Arts Gallery aretoan egin zuen bakarkako lehen erakusketa. 1978an, bere lanaren atzera begirako erakusketa handia antolatu zuten Arts Council aretoan, eta, 1986an, Britainia Handiko ordezkaria izan zen Veneziako Bienalean. Bere lanetan gai gutxi ukitu zituen: batez ere bere estudio inguruko eraikinak eta parkeak, edo bere hurbileko lagun edo pertsonen erretratuak pintatu zituen. Pintzela, espatula nahiz eskuak erabil zituen margotzeko. 1950eko hamarkadan, zuria, beltza eta lur-kolorea bakarrik ageri ziren Auerbachen paletan. Pintura-geruzak bata bestearen gainean etengabe jarriz, ia hiru dimentsiotakoak bilakatu ziren koadroak. Koadro-azalak behin eta berriro urratu eta berriz margotu zituen. Wikipediatik informazioa lortu