Alvar Aalto

Roedd Hugo Alvar Henrik Aalto, (3 Chwefror 1898 – 11 Mai 1976) yn bensaer a dylunydd o’r Ffindir, a newidiodd ei arddull neo-glasurol cynnar ddiwedd y 1920au i'r modern rhyngwladol, mewn adeiladau megis llyfrgell Viipuri a neuadd breswyl y Massachusetts Institute of Technology (MIT).

Fe’i ganed yn Kuortane, a chafodd ei addysg ym Mhrifysgol Dechnegol Helsinki. Ym 1938 aeth i UDA, lle bu'n dysgu yn MIT a Choleg Pensaernïaeth Cambridge, Massachusetts. Ar ôl yr Ail Ryfel Byd, dychwelodd i'r Ffindir lle fu ganddo bractis pensaernïol rhyngwladol. Mae ei adeiladau nodweddiadol yn Llychlyn yn cynnwys llyfrgell Viipuri (1927-35), cartref gwella Paimio (1929-33), neuadd y dref yn Säynatsälo (1951), a Neuadd Gyngerdd Finlandia yn Helsinki (1971), ei adeilad olaf.

Y tu allan i Sgandinafia mae ei adeiladau pwysicaf yn cynnwys neuadd breswyl MIT (1947) a'r ''Maison Carré'' ger Paris (1956-58), a orffennodd gyda ddodrefn ''bentwood'' o'i gynllun ei hun, a gynlluniwyd ganddo ym 1932. Darparwyd gan Wikipedia